ابوذیّات هموم النائمّات
جزع طور الیغث الگلب من هال
او حزن یقلع اهلال الفرح من هال
یحس بالحدث دمع العین من هال
اذا غایب رجع لو شم منیّه
...
الگلب بجفاک شب وانقهر تچوای
اضنونی خابت اتکسّرت تچوای
شرارة غضب من اتموت تچوای
اثر تبغی او ذکرها ایعن علیّه
...
ابتله کل یوم گلبی ابحمل ویشل
یخیط اجروحه بیده ابصبر ویشل
متی او یا یوم الیغث یفر ویشل
واعیش ابخیر مثل اهل البریّه
...
الگلب راس المحنّه وشفه منّه
واشد بالحانه وزنه وشفه منّه
الوطن بحلامی ازرعه وشفه منّه
و اخلّیه جنّه للبیهم حمیّه
...
الیودنه او شال منّه موتمنّه
التعب و الذب حملنه موتمنّه
و الیشک ابهوانه موتمنّه
عمیل او للغرب صایر تچیّه
...
الدهر نزهی بارضنه ماتم النه
الونده او نخه ابوعده ماتم النه
العدو لو صر یضرنه ماتم النه
الحزن واللطم ما یحیی الضحیّه
...
کتب گلبی او ضمیری اعلان عالهام
او صگور الحادوا الطوفان عالهام
یطیر السعد وکرک هان عالهام
تحط الخاطر اللّه الکل ربیّه
...
یطارش ضیف اهلنه سلهمنّه
جفونا او طیف املنه سلهمنّه
گلهم کنز ارضنه سلهمنّه
ابعین او اثر جاب النه البلیّه
...
العجید القاد اخوته ابفخر یهلاه
ابجفاهم دمعه عالخدّین یهلاه
الغریب استغربته الغرب یهلاه
اندفن دون الوطن واهله اباذیّه
...
ابجفاکم روحی ما هادت وسالت
اعزاز او ذکرت او حنّت وسالت
علیکم وشّلت عینی وسالت
دمع ما ضل بعد رجعوا علیّه
...
الکحیله ایشیع سرها من نثرها
القصیده اینور درها من نثرها
الگاع اترید حرها من نثرها
الکحیله ام القصید ام الهویّه
...
ما اهاب الرمانی ابسهم ولجای
اموت ابداری واعلن حزن ولجای
لا تنشد علیّه الراح و الجای
ترانی امطومر اسلاحی بدیّه
...
جاسم ثعلبی (الحسّانی) 01/06/1400
:: برچسب‌ها:
ابوذیّات هموم النائمّات ,
:: بازدید از این مطلب : 1361
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
